Baixo o lema do noso 75 aniversario “ O Colexio Labor no corazón de Vigo”, non podemos deixar de nos identificar coa cidade, e por este motivo dedicamos o Antroido deste curso 2008/09 ao Bicentenario da Reconquista de Vigo.

Pretendemos con esta manifestación lúdica que o alumnado do noso Centro estea motivado para ser parte viva das actividades socio-culturais que poidan aparecer na celebración deste evento.

Dúas Portas deron acceso a este particular recinto: A PORTA DO ROMIL e A PORTA DAS CAMELIAS.

 Dentro, atopamos un Vigo de 200 anos atrás cos tradicionais mercados de peixe e verduras, cesteiros, zoqueiros, mercerías, leiteiras, ferreiros, carpinteiros, cregos, mendigos, cegos e ata un bo feixe de pequenos peixes representados polos máis cativos.

Sempre sen esquecernos  do exercito invasor representado polos maiores do lugar.

Os taberneiros e as taberneiras fixéronnos disfrutar de productos eminentemente caseiros e tradicionais . Por un prezo módico agasalláronnos coas delicias propias destas datas: rosquillas, filloas recheas, orellas...

Moitos foron os Carolos e  Cachamuiñas que a golpe de risas e diversión fixeron que o exército napoleónico fracase nesta invasión.

Ambientada con música popular galega  pequenos, e non tan pequenos, disfrutaron dinha estupenda xornada escolar de Antroido.